|
| 今日係呢個星期第一次踏出家門...有假放,日日訓到十二點...超灰... 去左一個叫Pistburg既地方碌齡,同我媽同佢兩位家姐打.人生既第二次,算係咁啦...每次碌第一round都落坑,第二round就打剩一個樽,有次仲補左個全中...最後以91分,一分之差輸俾我媽... 跟住睇左套戲叫"road trip"(Disney既,可能HK會上...).4字曰:不願置評 跟住番歸... 有一件事要分享下: 話說4月19日有一個prom既野(舞會之類),要搵一位女士同我一齊去.我就搵左一個樣ok既問啦...點知俾佢當面立即reject左...咁大個仔第一次食咁大粒檸檬.結果搵左另一個HK交換生同我去了... | | |
| 有假放!一個星期!!應該係Easter假...唔知...算啦,有假放係好事.. 開始有d唔捨得走...成日諗緊走個日會有幾慘...本身冇諗過會對呢度咁有feel...諗住快d過左呢年,跟住下年讀大學既時候自己一個住...但係呢度令我改變好多,成日都想呢年可以長d.... 真係唔知可以點講...總之就好鐘意呢度...我係香港仔,城市人,從來冇諗過會鐘意呢種鄉下地方... 講番呢期既事... 籃球season就咁就完左....最後都係好廢..最後一場仲只係出左兩分鐘...講真有d唔甘心..但係呢個season卵學到好多野...好開心...好enjoy... 差d俾人趕番HK!!事關我冇交功課一段時間,有一科F左!臨quarter完先知大件事!個IC話我個grade去唔番c既話就要返屋企!!!最後幾經辛苦,終於死到個c...事實證明兩樣野: 1.功課同我係死敵; 2.我始終都係未到最後一刻未識死... 講起死,我上次真係差d撞車死!!!事關有一個星期日,我同我細佬(host bro)去完人地個生日party,佢揸車返屋企.臨到屋企差唔多一哩,佢竟然訓著左!我一直都唔知,開頭佢架車入左路中心,我仲以為佢係特登,後果架車慢慢去左對面線,我開始覺得唔對路.跟住架車直衝落水溝!呢個時候佢醒左,知道出事,臨撞之前轉番出水溝,但係架車就衝左去另一邊水溝...佢再轉,再過番左邊...不過今次停到.最後冇事,過番右邊線(美國行車線同hk相反) 咁大個仔第一次經歷呢d野...呢次真係好大命,因為據我細佬所講,對面線冇車,所以我地出事既時候對面線冇車撞我地.我地線後面有架車,好在佢地冇加速...如果唔係我地轉緊去右邊既時候實俾佢打橫撞,我就實死先...加上我地出事以面冇遠係橋口...慢半秒都會撞... 呢期玩track...日日跑,仲要好多野我冇練過...一練就搞唔掂...不過玩完之後我一定會好fit.仲有玩緊speech,幾ok啦... 有時間再打過 | | |
| 幾經辛苦,final終於完左啦...好辛苦...而且好q憎個d唔洗返又有假放既人... 講吓呢兩日既科目流程啦... 星期四1st: advanced math--呢科野係會考maths+a.maths,再學少少新野咁啦..難度不大,用左好少時間就做完了,卷都冇對就交左..結果錯左幾條...算啦, 應該都有9字頭既... 3rd: current events--點解打3rd呢?呢個係第幾堂咁解.呢科平時做下新聞感想,都幾難.之前仲要睇美國股市做powerpoint...不過考試就兩回事.首先係係以前做感想查既字搵十個黎出mc(唔洗做,只係出題),跟住上網搵十隻股抄低d資料..都係唔係太難 5th:speech--呢科係學做舞台劇同演講...一旱就知今次final一定死硬,因為要記自己之前打既7分鐘informati:ve speech...結果真係出事,7分鐘過哂都未完...好在miss好人,不過都唔好得去邊... 7th:accounting--本來呢科係我第二科最好既科目,但係上一個final只係記都搞到個腦實哂,搞到勁唔掂...開始d mc錯勁多...後來到例子,呢part我從來都冇咩點錯,所以做得好快,對左之後發現岩哂!個心都定返d. 星期五2nd:american hist-- 呢科係最唔掂既一科.要一個理科人讀文科野,仲要用外語,再加上唔知頭唔知路既情況下,平時測驗都係肥佬收場...好在個阿sir好人,功課勁遲交都俾番個高分好好睇睇,加上每次測驗佢都會俾考試範圍俾全世界,仲要出卷照住notes出(不過我都係肥...)今次都唔例外,都有範圍,不過好多野讀,都有好多空左.... 4th:english--呢科係第二科唔掂的...其實唔係唔掂,係近期有幾份功課冇交拉低左個分...個miss係教埋我5th既,勁好人,d功課次次攞100分...唔知係我身份既關係還是我實在太好了...考試出哂之前測驗既vocab,再加作文.vocab係多,不過考字頭,唔係好難,係準備得耐d,都係有錯.作文作左3版冇隔行,仲多過一d鬼佬.... 跟住就返左屋企,再返教會準備星期日表演d野.練完琴之後就練射波.射左兩個鐘冇停過...勁支力... 放假啦!第一個真正既christmas!!好期待 祝大家有一個mercy christmas!! | | |
| 每日都好忙...放學練波...返到屋企做下功課,每日都上網緊貼香港資訊...本身以為會好得閒,日日返屋企食飯等訓...但係唔係.我地成個family每日都好少時間見面,好少坐埋一齊食飯...因為個個人都有唔同既時間表,日日都唔得閒... 好啦...就到聖誕啦....今年名副其實過一個白色聖誕...屋企人都準備左好多份禮物俾我...好期待.... 不過好慘...我要take final... 話說呢度有一個好有趣而且不知所謂既制度:如果你有一科冇返多過三日,無論你個科既成績如何,都要考試.....而好不幸地,我有岩岩好三日全日請假...結果唔洗講啦......搞到我勁想爆粗...我不過我文人是也,點解要爆粗呢?所以我就用以下呢句黎抒發我既感情: "你阿媽大減價益你阿爸!!!!!!!"(出自笑談廣東話) 最x街既係...有d人明明請多過三日假(我唔知啦...不過我成日都唔見佢地囉...),就可以一科都唔洗考...仲要爽到學校俾佢地係呢個星期放一日假,加埋星期四五要take final既人先要返(學校仲叫唔洗take final唔準係學校出現tim...),放三日假,仲爽過唔返!所以今日勁多人冇返,提早放聖誕!搞到我火到黎,呢個時候我頂唔住啦...我要爆粗!!!! 凸凸凸凸凸凸凸凸凸凸凸凸凸凸凸凸凸凸x99999999999999999999999999999999999........!!!!!(x n會唔會好d呢?) 舒服哂~ 算啦...講都冇用...不過真係有d驚,因為分數係平時功課分,即係:你既功課分/功課總分,而家你仲要take final,個總分大左,如果肥左仲衰過唔考....再加上我d科都係攞a同b都係要考,有人攞b同c就唔洗考囉...唉.....真係白痴+不知所謂 ... 呢幾日上左eddie個xanga聽佢首新歌,真係好有feel!eddie加油!萬能俠生死在你手! 如果想知多d我既生活可以搵我msn,又或者睇下我有冇心機打xanga啦.... 話時話,有冇人會幫我搞搞個xanga呢?我一來唔識搞,二來唔想搞...所以冇feel打xanga...如果有人肯稍稍幫我搞下就好啦.... 美文時間: 唔知大家知唔知呢?大家成日都聽到d人扮鬼仔成日都講"wts up,man",其實係黑人既語法.美國唔同地方都有唔同既語法,就好似大陸既鄉下話.不過而家好多地方都用呢句啦...如果唔想講"man"仲可以講咩呢?可以試吓"dude",呢個字可以大家都知(可能係我唔知),係加洲人最常用既字,同man有差唔多用法,不過呢個字係解"花花公子". | | |
| 由今日到星期五有三日假,因為有一個"thanks giving"既假期. 係就係幾新奇既,不過冇乜大特別. 朝早返學練波(我入左籃球隊^^),係就係唔洗同d新人一隊,但係機會都係唔多.不過都幾enjoy既. 中午時間,細佬同呀爸出城市睇戲,我冇興趣,但係就同兩個細妹睇"獅王‧女巫‧魔衣櫥"(因為我好多戲都冇睇過,而佢地又有好多好戲),真係唔錯. 直至6點半前,我都睇卡通.我黎之前已經好鐘意睇卡通,黎到之後就有更多卡通台.我發現睇卡通都可以學英文的,而家我都叫明明地佢地講乜既...仲有,我發現disney channel 入面有d節目既女主角真係幾ok架!哈哈! 跟住就係晚飯時間了."thanks giving"係有好多大型聚餐既(不過其實我屋企時不時都有聚餐),不過今晚唔算好大,係屋企食,仲有我細佬既一個fd既屋企.d野食真係唔錯,可能因為呀媽煮乜都岩我食既關係掛... 食完一直冇野做,上左房hea,細佬同fd係樓下玩xbox360.hea左勁耐之後落左去玩(隻game叫halo,我係hk未聽過,搵人幫我check check) 跟住訓前睇戲(有時都會咁的,房有電視,不過只for打機&睇戲) 跟住而家就等訓了... | | |
|
